09:07 Yalan | |
 Yalan
Yalan böyük günah və olduqca mənfi xüsusiyyət olduğu üçün qətiyyətlə pislənmişdir .Yalan , danışanın etimad və etibarını itirməsi ilə yanaşı , cəmiyyətdə etimadsızlıq , şəkk və tərəddüd toxumunu səpir . Peyğəmbər (s) buyurur : "Çox yalan danışmaq imanı məhv edib aradan aparır . " Yalan – həqiqətə uyğun olmayan şeylərə deyilir . Əhəmiyyət doğuran məsələlərdən biri budur ki, danışılan sözün yalan olması mümkün olduğu kimi , bəzi iş və əməllərin də yalan olması mümkündür . Quranda da yalan və onun müxtəlif yönləri haqda söhbət açılmış və insanın bu məxfi xüsusiyyəti tərk etməsinə təkid olunmuşdur . Biz onlardan bir neçəsini işarə edirik : 1.Həcc surəsinin 30 – cu ayəsində Allah – təala insanları bütlərə pərəstiş etməkdən çəkinmələrini əmr etməklə yanaşı , yalandan da çəkinmələrini əmr edir : "... Bütlərdən qaçının , yalan sözlərdən də (Allaha şərik qoşmaqdan da ) çəkinin”. 2 . Nəhl surəsinin 105 – ci ayəsində yalan danışmağın imansızlıqla bərabər olduğu göstərilir : " Yalanı ancaq Allahın ayələrinə inanmayanlar uydurdular . Onlar əsil yalançıdırlar ! " 3 . Zumər surəsinin 3 – cü ayəsindən belə qənaətə gəlmək olur ki , yalançılar Allahın hidayətindən mərhum və aqibətləri acınacaqlı olan şəxslərdir : "... Allah yalançı , nankor olan kimsəni doğru yola müvəffəq etməz . " Başqa bir ayədə buyurur : "... Şübhəsiz ki , Allah ( Ona şərik qoşmaqla , böhtan atmaqla ) həddi aşanı və yalançını doğru yola müvəffəq etməz " . 4 . Allahın hidayətindən məhrum olan kəslər Onun qəzəb və lənətinə düçar olarlar . Ali – İmran surəsinin 61 – ci ayəsində Peyğəmbərlə (s) məsihilər arasında yaranmış qarşıdurma haqda söhbət açılarkən Nərcan keşişlərinə xitab edilərək buyrulur : "... Sonra (Allaha ) yalvarıb yalançılara Allahın lənət etməsini diləyək ! " Başqa bir ayədə deyilir : "... Əgər yalan deyirsə , Allah ona lənət eləsin !...” ( Din təlimləri , səh, 346) Ümumiyyətlə yalan haqda Allahın Rəsulu (s) və onun Əhli – Beytindən (ə) ibrətləndirici çoxlu hədislər vardır . O hədislərdən bir neçəsini sizin nəzərinizə çatdırmaq istərdim : Əli (ə) buyurur : " Yalandan uzaq olun . Çünki yalan insanı imandan uzaqlaşdırır . Daim həqiqəti söyləyən sadiq insanlar hidayət yoluna qədəm qoyarlar , yalançılar isə bədbəxtçilik və rüsvayçılıqla üzləşərlər " . Nəql olunmuş bir çox hədislərdə deyilir ki , yalan , möminlərə xas olmayan bir xüsusiyyətdir . Onlar bu günaha çox nadir hallarda düçar olarlar . Yalançılar isə bunu özlərinə peşə edərlər . Həsən ibn Məhbubdan nəql olunan hədisdə deyilir : İmam Sadiq (ə) soruşdum : - Mömin paxıl ola bilərmi ? Buyurdu : - Bəli . Soruşdum , - bəs yalançı necə , - buyurdu : - Xeyr , mömin yalançı ola bilməz . Sonra sözlərinə davam edərək buyurdu : - Mömin hansı xasiyyətə malik olsa da , xain və yalançı ola bilməz. Peyğəmbər (s) buyurur : " Ən böyük cinayət yalan danışmaqdır " . Başqa bir yerdə buyurur : " Ən böyük xəyanət odur ki , mömin qardaşın sənin danışdığın sözləri təsdiq edə , sən isə ona yalan satmış olasan . İmam Əli (ə) buyurur : " İmanın nişanələrindən biri də budur ki , ziyanına olsa belə , düz sözü xeyrinə olan yalandan üstün tutasan ". ( Din təlimləri səh , 348) Yalan ən böyük günahlardan biridir . Nə qədər ki biz yalan danışmağa davam edirik , əməlində saleh birisi ola bilmərik . Bu dəfəki axırıncı yalanımdı deməklə də , yalana son qoymursan . Çünki yalan sonsuzdur , nə qədər biz yalan danışırıqsa , bir o qədərdə ardı gələcək . Ona görə də iradəmizi toplayıb yalanlarımıza son verməliyik çünki , ən xırda yalan belə , yaxşı iş naminə olsada bizim imanımızı məhv edir . Allahdan diləyim budur ki , heç bir bəndəsini elə vəziyyətə salmasın ki , son qurtuluş əlacı yalan olsun . Amin . İmam Sadiq (ə) buyurur: "AĞILLI İNSANLAR YALAN DANİŞMAZ, ƏGƏR ONLARIN XEYRİNƏ OLSA BELƏ " Əziz istifadəçilər mətni oxuduqdan sonra rəy yazmağı unutmayın,çünki sizin fikirləriniz bizim üçün marağlıdır. | |
|
| |
| Всего комментариев: 1 | |
|
|
|